Donasi

close
Klik 2x untuk menutup(x)
loading...

Kruna Bahasa Bali dan Contohnya


1.      Sasuratan Huruf Kapital
·         Huruf kapital kaanggen nyuratang pangawit kruna parab Ida Sang Hyang Widhi. Istilah agama miwah pustaka suci sakadi :
a)      Ida Hyang Parama Kawi
b)      Om Awignamastu
c)      Weda Sruti
d)      Alqur’an
e)      Injil
f)       Tri Pitaka

·         Huruf kapital kaanggen nyurat ring suang-suang pangawit lengkara, umpami :
a)      Dija bulan sing ngenah uli ibi?
b)      Ia luas kauh mejalan joh gati.
c)      Uli dija bulane mejalan kaki?
d)      Uli tanggu kangin teked kauh keto cening.

·         Huruf kapital kaanggen nyuratang ring pangawit petikan langsung, umpami :
a)      Made Metri mataken “ring dija margine ke tampaksiring?”
b)      Guru keseniane maosang “Penari lan sekaa tabuh mangda gelis kumpul ring aula.”

·         Huruf kapital kaanggen ring pengawit gelar, umpami :
a)      Ida Pedanda Bajing
b)      I Made Putra Adiyaksa
c)      I Gusti ngurah Oka
d)      Pan Angklung Gadang

·         Huruf kapitas kaanggen ring pangawit wastan jabatan, umpami :
a)      Gubernur Made Mangku Pastika mawit saking Singaraja.
b)      Rektor Universitas Warmadewa sampun magentos.
c)      I Nyoman Sujana loba pisan.
d)      Made Sudaya tusing bisa ngajiang timpal.

·         Huruf kapital kaanggen ring pangawit wastan wangsa, suku wangsa miwah basa, umpami :
a)      Tiang puniki Wangsa India Belanda.
b)      Ring Sulawesi wenten Suku Toraja.
c)      I Made malajah Bahasa Inggris.

·         Huruf kapital kaanggen ring pangawit wastan warsa, wulan, rerainan, miwah peristiwa sejarah, umpami :
a)      Rahajeng Warsa Saka 1937.
b)      Sasih Kedasa piodalan ring Pura Besakih.



2.      Nyurat Kruna Lingga
·         Kruna sane marupa kruna lingga kasurat masikian, umpami :
a)      Ida jagi rauh benjang sore.
b)      Dane numbas wstra kalih lembar.
·         Kruna lingga awanda kadwilinggayang kasurat masikian, umpami : pakpak, congcong, cahcah, kihkih, miwah sane lianan.
·         Suara pepet wandane kapertama ring kruna lingga kalih kecap utawi tigang kecap patut kasurat nganggen huruf  “e” umpami : sema, meka, sekaa, melah, semaya, selaka, miwah sane lianan.
·         Suara pepet ring penguntan kruna lingga patut kasurat antuk “a”, umpami : bapa, meja, setata, suka,jaja, uga, miwah sane lianan.
·         Suara “w” ring pangawit kruna sane wantah awanda kasurat antuk “W”, umpami : Wong, Woh, Won, Wel, Was, miwah sane lianan.
·         Suara “h” ring arep lan tengah kruna sane nenten kaucapang nenten kasurat, sakadi : Itung, Ilang, Urip, Isep, Luu, Daa, Baa, Paa, miwah sane lianan.
·         Suara “h” sane kaucapang inggian ring pangawit tengah lan panguntat kruna patut kasurat, umpami : Himawan, Hindu,Hindia, Hyun, dahat, rahayu, saha, ngamah, umah, musuh, miwah sane lianan.
·         Konsonan rangkep sane mawit saking basa jawi kuno miwah basa sansekerta kasurat wantah asiki, sakadi : Cita, Yuda, Utama, Ica, Utara, miwah sane lianan.
·         Suara “ny” sane kasarengin antuk “c” miwah “j” kasurat antuk “n”, sakadi : pancing, pancoran , sanja, penjor, banjar, miwah sane lianan.
·         Suara “j” sane kasarengin antuk “ny” kasurat antuk “d”, umpami : adnyana, pradnyan,yadnya, miwah sane lianan.

3.      Kruna Dwi Lingga
Kruna dwi lingga inggih punika kruna lingga sane kakapingkalihang wangun jani mawarna-warni sekadi ring sor!
·         Kruna Dwi Sama Lingga
kruna lingga sane kakapingkalihang tur nyihnayang langkungan ring asiki, umpami : gede-gede, cenik-cenik, tua-tua.
·         Kruna Dwi Samatra Lingga
Kruna lingga sane kakapingkalihang naging silih singunggil mauah ucapan tur nyihnayang pakaryan mawanti-wanti ( berulang-ulang ), umpami : kitak-kituk, dengak-dengok, kecas-kecos.
·         Kruna Dwi Maya Lingga
Kruna linggga sane kaucapang apisan nenten madue arti nanging yening sampun kakpingkalihang waumadrebe arti, umpami ; katang-katang, kupu-kupu, kapu-kapu.
·         Kruna Dwi Purwa Lingga
Kruna lingga sane kecapne ring ajeng kakapingkalihang, umpami : setate, gegaen, tetajen, bebanten, bebaos.
·         Kruna Dwi Wasana Lingga
Kruna lingga sane kecapne ring ungkur kakapingkalihang tur setata kaduluin antuk penganter ( paka ), umpami : pakacoscos,pakateltel,pakanyitnyit.

4.      Kruna Satma
Kruna satam inggih punika angkepan kalih kruna utawi lintang sane suksma ipun asiki. Kruna satma mawit saking kruna  ( sa + atma ) sane madue pengertian pinaka “kata senyawa utawi kata majemuk”. Kruna satma punika dados tigang soroh, inggih punika.
Kruna-kruna sane ngawangun kruna satma punika madue kadudukan setara nenten saling nyihnayang.
·         Kruna Satma Papadan
Kruna satma papdan kapalih malih dados kalih soroh, inggih punika :
a)      Kruna Satma Papadan Matungkalik
Contone : Meme bapa
Lemah peteng
Dua teruna
Tua bajang
Tegeh endep
b)      Kruna Satma Papadan Ngerasang Arti
Contone : Kuning gading
Barak biing
Olah asih
Alus banban
Mas manik
·         Kruna Satma Tan Papadan
Inggih punika kruna satma sane kawangun antuk kalih kruna naging salah sinunggil kruna pinaka unteng sane lianan, pinaka katerangan.
a)      Kruna pertama dados unteng, umpami :
Gedang renteng
Galang kangin
Tiing buluh
Biu batu
Kacang lentor
b)      Kruna kaping kalih dados unteng, umpami :
Kali yuga
Dirgha yusa
Kertha raharja
·         Kruna Satma Sane Nganggen Kruna Tawah
Inggih punika kruna satma sane kawangun antuk kalih kruna naging wantah salah sinunggil krunanyane madue arti yening sampun kangkepang ring unteng ipun.
Contone : Selem ngotot
Badeng ngiet
Tegeh ngalik
Putih ngeplak
Peluh pidit




5.      Lengkara Masusun
Lengkara inggih punika pupuhan saking makudang-kudang kruna sane sampun madue arti tur kasusun nganutin uger-uger lengkara. Manut ring wangunipun lengkara punika kaperang dados makudang-kudang soroh, sekadi : lengkara tunggal miwah lengkara masusun.
Lengkara masusun inggih punika kalih lengkara tunggal utawi lintang sane sampun kawrediang ngwangunyane kaangkep dados asiki utawi dsdos alengkara. Lengkara masusun kabinayang malih dados tetiga inggih punika lengkara masusun papadan/sepadan, lengkara masusun pepetan, miwah lengkara masusun matingkat.

·         Lengkara Masusun Pepadan/Sepadan
Inggih punika lengkara masusun sane lengkara ip[un kantun sepadan utawi sederajat. Lengkara puniki ketah kagabungan antuk kruna napi, nanging, sakewala, miwah sane lianan. Indayang cingakin lengkara ring sor puniki :
a)      Bapa ngoyong ditu, tiang dini.
b)      Nyoman jemet, nanging I Ketut kiul gati.
·         Lengkara Masusun Pepetan
Inggih punika lengkara masusun sane ngutamayang mapetang wangun lengkara ssane pateh, sekadi :
a)      Carik ento mara belina carike ento jani sube gadeanga.
b)      Carik ento mara belina, jani suba gadeanga.
·         Lengkara Masusun Matingkat
Inggih punika lengkara sane kawangun antuk lengkara sane paiketnyane nenten sumaih. Silih sinunggiol lengkaranyane kabaos inan lengkara (induk kalimat) lengkara sane lianan kabaos pranakan lengkara (anak kalimat), sekadi:
a)      I Bape teke dugase I Meme sedek nyakan dipaon.
b)      I Bego ngambul krana tusing bange pis teken bapane.
Manut ring uger-uger ipun lengkara punika kapalih dados kalih inggih punika wenten sane wangunipun sadarana miwah sampurna. Lengkara sadarana kaawangun antuk jejering lengkara miwah linging lengkara. Lengkara sampurna kawangun antuk jejering lengkara , linging lengkara, panadang lengkara, miwah pamidartaning lengkara (keterangan).
Conto :
a)      Meme mabalih
b)      Meme mabalih drama gong dibale banjare.

6.      Lengkara Nganutin Tetuek
Nganutin tetuek lengkara punika kapalih dados tigang soroh inggih punika :

·         Lengkara Pamidarta
Inggih punika nyaritayang punapa-punapi sane karasayang, kalaksanayang, miwah sane panggihin ring anak tiosan tur ring ungkur kadagingin tanda gecek (.), umpami :
a)      Tiang mamula sela di carik.
b)      Makesieng bayune mara liwat disemane ibi sanja.
c)      Ibi ada anak matabrakan dijalan Imam Bonjol.

·         Lengkara Pitaken
Inggih punika nakenang indik punapa-punapi sane durung kauningin marep ring anak tiosan tur ring ungkur madaging ceciren tanda pitaken (?), umpami :
a)      Sira pesengan ragane?
b)      Ring dija ragane magenah?
c)      Sira sane ngaturang surat?

·         Lengkara Panguduh (Pituduh)
Inggih punika nunas pitulung utawi ngnikayang anak lianan mangda nulungin utawi nglaksanayang pituduh, taler ring ungkurnyane kadagingin tanda pituduh (!), umpami :
a)      Luh jemakin bapa kaca diduur mejane!
b)      Baang celenge banyu!
c)      Eda macanda dogen gaene!


Info Klise Saya hanyalah seorang blogger biasa yang jauh dari kata sempurna dan disini saya ingin berbagi pengalaman pribadi kepada pembaca melalui blog ini. Ilmu yang bermanfaat harus dibagikan kepada orang lain, agar bisa dijadikan sbuah pembelajaran dan termotivasi.

0 Response to "Kruna Bahasa Bali dan Contohnya"

Post a Comment

Silakan Tinggalkan Komentar Anda

Iklan Atas Artikel

Iklan Tengah Artikel 1

loading...

Iklan Tengah Artikel 2

Iklan Bawah Artikel

loading...